(၁) ရှောက်သီး တစ်လုံးကို ဖြန်းဆေး၊ ပိုးမွှားများ ကင်းစင်အောင် အခွံကို ဆားနဲ့ပွတ်ပြီး ရေစင်အောင် ဆေးပါ။
(၂) တစ်လုံးကို ၄ စိပ်ခွဲပြီး တစ်စိပ်ကို အပိုင်းပိုင်းလှီးကာ ရေ ၂ ခွက် ထည့်ပြီး ဆားအနည်းငယ်၊ ဂျင်း လက်မ၀က်ခန့်ထည့်ကာ တည်ပါ။ ရှောက်ရွက်အနုလေးတွေလည်း ရှိရင်ထည့်နိုင်တယ်။
(၃) တစ်ခါဆူလောက်ဆိုရင် အောက်ချပြီး အရည်ကို စစ်ယူပြီး အအေးခံထားပါ။
(၄) ၄င်းရှောက်ကျိုရည်ကို မနက်တစ်ခွက်၊ ညတစ်ခွက် သောက်ပါ။
(၅) အခွံ၊ အစေ့၊ အရည်တို့အားလုံး ပါ၀င်ထားတဲ့အတွက် အရသာက ချဉ်ပြီး ခါးနေမယ်။ ပျားရည်စစ်စစ် တစ်ဇွန်းထည့်ပြီး သောက်ပါ။
(၆) ကျန်တဲ့ ၃ စိပ်ကို နောက်ရက်တွေအတွက် သေချာသိမ်းထားပါ။ ရှောက်သီး အကြီးတစ်လုံးကို ၄ ရက်စာ အသုံးပြုနိုင်ပါတယ်။
ရှောက်သီး၊ ရှောက်ရည်၊ ရှောက်ရွက်တို့ရဲ့ ဆေးဖက်၀င်ပုံများကိုတော့ များပြားလွန်းလှတာမို့ အသေးစိပ် မရေးတော့ဘူးနော်။ အခြားပိုစ့်သီးသန့်နဲ့ တင်ထားတာတွေလည်း ရှိထားပြီးသားပါ။
ရှောက်သီးမရနိုင်ပါက သံပုယိုသီး၊ ရှောက်ဘီလူးခေါ် ရှောက်ခါးသီးတို့လည်း အဆင်ပြေပါတယ်။
တစ်ပတ်လောက် နေ့တိုင်းသောက်ပြီးရင် သိသိသာသာ သက်သာလာပါမယ်။ သက်သာပြီးရင် နေ့တိုင်းမသောက်ပဲ ၂ရက်ခြား၊ ၃ ရက်ခြားစီ သောက်သွားပါ။ ဇက်ကြောတက်၊ ညောင်းညာ၊ အဆစ်မြစ်နာ၊ လေးလံထုံထိုင်း၊ အကြောဆိုင်း၊ လေဖြတ်ရောဂါတို့ကိုလည်း ကာကွယ်ပေးပါတယ်။
0 Comments